Námskeið: Högun gagnagrunna

Haldið þriðjudaginn 15. maí í Háskóla Íslands kl 13:00-16:30

Farið verður yfir grundvallaratriði í skipulagi og högun gagnagrunna, með áherslu á venslagagnagrunna og landupplýsingar
Þátttakendur munu:
öðlast þekkingu á mismunandi gerðum, högun og tilgangi gagnagrunna
geta sett upp venslagagnagrunn og unnið með hann
tileinka sér góðar hönnunarreglur og vinnubrögð við umsýslu gagnagrunna
Efni: Yfirlit yfir helstu gerðir gagnagrunna, notkun og tól, mismunandi hlutverk gagnagrunna og högun. Grunneiningar í venslagagnagrunnum, töflur, sýnir, gikkir, föll og vensl.
Skipulag gagna í gagnagrunni, réttileiki, breytingasaga, útgáfustýring og gagnagæði.
Samskipti við gagnagrunna og tenging við ytri kerfi. Geymsla, vinnsla og umsýsla landupplýsinga í gagnagrunnum. Æfingar og dæmi miðast við PostgreSQL.

Fyrir hverja: Námskeiðið er miðað að þeim sem eru að stíga fyrstu skref í notkun venslagagnagrunna, eða þurfa á víðari skilningi á skipulagi þeirra að halda. Þekking á SQL fyrirspurnum er kostur.

Nauðsynlegt er að þátttakendur taki með sér fartölvur á námskeiðið fyrir verklega kennslu. Nánari leiðbeiningar verða sendar út fyrir námskeiðið. Lágmarksfjöldi 8 manns og hámarksfjöldi 12 manns.

Leiðbeinandi: Tryggvi Hjörvar, gagnagrunnssérfræðingur hjá Veðurstofu Íslands.

Innifalið: kaffi, meðlæti og viðurkenningarskjal fyrir þátttöku og námskeiðsgögn.

Þátttökugjöld :

LÍSU félagar 32.000 kr.
Aðrir 56.000 kr.
Nemar í HÍ 17.000 kr.
Utan vinnumarkaðar 22.000 kr.

Athugið! 25% hækkun á þátttökugjöld eftir 4. maí !

Skráning á netfangið: lisa@landupplysingar.is

Vinsamlegast sendið auglýsinguna áfram til annarra á ykkar vinnustað sem kynnu að hafa áhuga!