LÍSUFRÉTTIR mars 2020

COVID19 veiran 
Covid-19 setur mark sitt á starfsemi LÍSU eins og svo flest annað. Við frestum málþingi sem átti að vera í maí um gervigreind og landupplýsingar fram á haust, en erum með á dagskrá Q -GIS námskeið 26. maí en munum fresta því ef þörf krefur. Haustráðstefna LÍSU verður haldinn 29. október.
Færri hafa sótt síðustu viðburði LÍSU vegna COVID-19 veirunnar og verður kynningarefni frá heimsóknunum á App4sea verkefninu og til Veðurstofunnar sent til félagsmanna vonandi fljótlega.
Útbreiðslu COVID-19 má sjá á korti John Hopkins háskóla og notkun dróna í vörnum og vöktun á COVID-19 

Styrkir frá umhverfisráðuneytinu
LÍSU samtökin hafa undanfarin ár fengið styrki til sérverkefna frá umhverfisráðuneytinu.
Að þessu sinni fengu samtökin rekstrarstyrk að upphæð 300 þúsund krónur, styrk fyrir erlent samstarf 250 þúsund krónur, 320 þúsund krónur fyrir áframhaldandi vinnu við Upplýsingagátt og aðgengi að fræðsluefni um landupplýsingar. Samtökin fengu 500 þúsund krónastyrk til þess að kynna aðgerðir og skipulag á svið landupplýsinga á Norðurlöndum.  Heildstæð stefnumörkun, framtíðarsýn og aðgerðaáætlun um þennan málaflokk, liggur fyrir hjá öllum Norðurlöndunum nema Íslandi.  Ætlunin að kynna norrænar áherslur og reynslu af því að aðgengi að góðum gögnum er gulls ígildi.

QGIS námskeið Haldið verður Q GIS námskeið 26. maí fyrir áhugasama félaga, ef aðstæður leyfa, annars verður námskeiðinu frestað um sinn.
Látið okkur vita ef þið hafið áhuga og viljið skrá ykkur .


Kynningarfundur um App4sea

LÍSU-félögum  var boðið á fróðlega kynningu á  App4Sea verkefninu, sem miðar að því að bæta viðbrögð við olíuslysum í Norðurhöfum.   Verkefnið er unnið með styrk frá Northern Periphery and Arctic Programme. Kortið er unnið i opnum hugbúnaði og verður opið til notkunar og frekari þróunar eftir þörfum hvers og eins – enda unnið fyrir almannafé. Á fundinum var sýnt hvernig kortið virkar og þróunarmöguleika þess. Stjórnendur verkefnisins munu vinna sérstakt efni um verkefnið og munu  LÍSU félagar þá fá frekari upplýsingar og aðgang að verkefninu.

Glæsilegar móttökur í vinnustaðheimsókn til Veðurstofu Íslands 
Mjög vel undirbúin og ítarleg kynning á gögnum Veðurstofu Íslands var haldin fyrir LÍSU félaga, 5. mars sl.  Ragnar Heiðar Þrastarson, Esther Hlíðar Jensen, Bogi B. Björnsson og Tryggvi Hjörvar fluttu erindi hvert á sínu sviði. Gestir fengu gott yfirlit um gagnavinnslu um jarðskjálfta, ofanflóð, vatnafar og jökla. Einnig var kynnt svonefnt gagnauga, sem  er gátt með upplýsingum frá athugunarstöðvum. Samantekt frá kynningunni og gögnum verður send til félaga fljótlega.

Fréttir frá aðalfundi LÍSU
Aðalfundur LÍSU var haldinn 27. febrúar sl. hjá Verkís. 17 manns mættu á fundinn. Á fundinum var kosið í stjórn LÍSU og er nú skipuð: Þórdís Sigurgestsdóttir, formaður, Faxaflóahafnir; Ásgeir Sveinsson, Kópavogi; Ásbjörn Ólafsson, Vegagerðin; Jóhann Thorarensen, Landgræðslan og Ása M. Einarsdóttir, Ríkiseignum. Nýir stjórnarmenn eru Hjörtur Örn Arnarson, Eflu og Þórarinn Jón Jóhannsson, Reykjavíkurborg. Skúli Pálsson, Verkís og Jóhannes Jensson, Umhverfisstofnun hættu í stjórn og eru þeim þökkuð vel unnin störf í þágu samtakanna og um leið eru nýir menn í stjórn boðnir velkomnir. Ársreikningar, skýrsla stjórnar og almenn stefnumótun voru samþykkt.  

COVID 19 veiran

COVID-19 veiran 
Covid-19 setur mark sitt á starfsemi LÍSU eins og svo flest annað. Við frestum málþingi sem átti að vera í maí um gervigreind og landupplýsingar fram á haust, en erum með á dagskrá Q -GIS námskeið 26. maí en munum fresta því ef þörf krefur. Haustráðstefna LÍSU verður haldinn 29. október.
Færri hafa sótt síðustu viðburði LÍSU vegna COVID-19 veirunnar og verður kynningarefni frá heimsóknunum á App4sea verkefninu og til Veðurstofunnar sent til félagsmanna vonandi fljótlega.
Útbreiðslu covid19 má sjá á korti John Hopkins háskóla og notkun dróna í vörnum og vöktun á covid-19 

QGIS námskeið 26. maí

Haldið verður Q GIS námskeið 26. maí. 

Námskeiðið er ætlað þeim sem ekki hafa neina reynslu af notkun landupplýsingabúnaðar en vilja öðlast grunnþekkingu á hvernig unnið er með landupplýsingar í QGIS. Hægt að taka þátt í fjarfundabúnaði.

Á námskeiðinu verður farið er yfir helstu grunnaðgerðir og hugtök, auk þess sem þátttakendur fá góða innsýn í hvernig hægt er að nota landupplýsingar og landupplýsingakerfi til þess að leysa ýmis konar verkefni. Að námskeiði loknu ætti nemandi að vera orðin sæmilega sjálfbjarga hvað varðar helstu grunnaðgerðir og þætti  í QGIS og geta unnið einföld verkefni. Námskeiðið hefst kl 9.00 og lýkur um klukkan 16:30.
Dæmi um þá þekkingu og færni sem nemandi tileinkar sér:

  • Hnitakerfi / Varpanir
  • Mismunandi gerðir landupplýsinga
  • Að geta lesið inn og dregið út gögn
  • Teiknað inn og skráð landupplýsingar
  • Hannað og aðlagað útlit og framsetningu gagna
  • Prenta út

Leiðbeinandi  Árni Geirsson hjá ráðgjafafyrirtækinu Alta. Árni hefur
mikla reynslu af ráðgjöf og innleiðingu á QGIS á vinnustöðum.

Skráning: lisa@landupplysingar.is
Fjöldi þátttakenda 10 hámark. Þeir sem hafa áhuga á að sækja námskeiðið vinsamlegast beðnir um að tilkynna um þátttöku eins fljótt og unnt er.
Nauðsynlegt er að þátttakendur taki með sér fartölvur á námskeiðið fyrir verklega kennslu. Nánari leiðbeiningar verða sendar út fyrir námskeiðið.

Innifalið: kaffi og meðlæti og hádegismatur, viðurkenningarskjal fyrir þátttöku og námskeiðsgögn.
Námskeiðið er fyrir þá sem taka þátt í samstarfi LÍSU og er þátttökugjald kr. 45.000 kr
Vinsamlegast sendið auglýsinguna áfram til annarra sem kynnu að hafa áhuga!

 

Glæsileg heimsókn til Veðurstofunnar

Glæsilegar móttökur í vinnustaðheimsókn til Veðurstofu Íslands 
Mjög vel undirbúin og ítarleg kynning á gögnum Veðurstofu Íslands var haldin fyrir LÍSU félaga, 5. mars sl.  Ragnar Heiðar Þrastarson, Esther Hlíðar Jensen, Bogi B. Björnsson og Tryggvi Hjörvar fluttu erindi hvert á sínu sviði. Gestir fengu gott yfirlit um gagnavinnslu um jarðskjálfta, ofanflóð, vatnafar og jökla. Einnig var kynnt svonefnt gagnauga, sem  er gátt með upplýsingum frá athugunarstöðvum. Samantekt frá kynningunni og gögnum verður send til félaga fljótlega.

Gögn eru nýja gullið

Styrkir frá umhverfisráðuneytinu
Undanfarin ár hafa LÍSU samtökin fengið styrki til sérverkefna frá umhverfisráðuneytinu. Að þessu sinni fengu samtökin rekstrarstyrk að upphæð 300 þúsund krónur, styrk fyrir erlent samstarf 250 þúsund krónur, 320 þúsund krónur fyrir áframhaldandi vinnu við Upplýsingagátt og aðgengi að fræðsluefni um landupplýsingar. Samtökin fengu 500 þúsund króna styrk til þess að kynna aðgerðir og skipulag á sviði landupplýsinga á Norðurlöndum.  Heildstæð stefnumörkun, framtíðarsýn og aðgerðaáætlun um þennan málaflokk, liggur fyrir hjá öllum Norðurlöndunum nema Íslandi. Ætlunin að kynna norrænar áherslur og reynslu af því að aðgengi að góðum gögnum er gulls ígildi.