COVID 19 veiran

COVID-19 veiran 
Covid-19 setur mark sitt á starfsemi LÍSU eins og svo flest annað. Við frestum málþingi sem átti að vera í maí um gervigreind og landupplýsingar fram á haust, en erum með á dagskrá Q -GIS námskeið 26. maí en munum fresta því ef þörf krefur. Haustráðstefna LÍSU verður haldinn 29. október.
Færri hafa sótt síðustu viðburði LÍSU vegna COVID-19 veirunnar og verður kynningarefni frá heimsóknunum á App4sea verkefninu og til Veðurstofunnar sent til félagsmanna vonandi fljótlega.
Útbreiðslu covid19 má sjá á korti John Hopkins háskóla og notkun dróna í vörnum og vöktun á covid-19 

QGIS námskeið 26. maí

Haldið verður Q GIS námskeið 26. maí fyrir áhugasama félaga, ef aðstæður leyfa, annars verður námskeiðinu frestað.Látið okkur vita ef þið hafið áhuga og viljið skrá ykkur með fyrirvara.

Námskeiðið er ætlað þeim sem ekki hafa neina reynslu af notkun landupplýsingabúnaðar en vilja öðlast grunnþekkingu á hvernig unnið er með landupplýsingar í QGIS

Á námskeiðinu verður farið er yfir helstu grunnaðgerðir og hugtök, auk þess sem þátttakendur fá góða innsýn í hvernig hægt er að nota landupplýsingar og landupplýsingakerfi til þess að leysa ýmis konar verkefni. Að námskeiði loknu ætti nemandi að vera orðin sæmilega sjálfbjarga hvað varðar helstu grunnaðgerðir og þætti  í QGIS og geta unnið einföld verkefni. Námskeiðið hefst kl 9.00 og lýkur um klukkan 16:30.
Dæmi um þá þekkingu og færni sem nemandi tileinkar sér:

  • Hnitakerfi / Varpanir
  • Mismunandi gerðir landupplýsinga
  • Að geta lesið inn og dregið út gögn
  • Teiknað inn og skráð landupplýsingar
  • Hannað og aðlagað útlit og framsetningu gagna
  • Prenta út

Leiðbeinandi  Árni Geirsson hjá ráðgjafafyrirtækinu Alta. Árni hefur
mikla reynslu af ráðgjöf og innleiðingu á QGIS á vinnustöðum.

Skráning: lisa@landupplysingar.is
Fjöldi þátttakenda 10 hámark. Þeir sem hafa áhuga á að sækja námskeiðið vinsamlegast beðnir um að tilkynna um þátttöku eins fljótt og unnt er.
Nauðsynlegt er að þátttakendur taki með sér fartölvur á námskeiðið fyrir verklega kennslu. Nánari leiðbeiningar verða sendar út fyrir námskeiðið.

Innifalið: kaffi og meðlæti og hádegismatur, viðurkenningarskjal fyrir þátttöku og námskeiðsgögn.
Námskeiðið er fyrir þá sem taka þátt í samstarfi LÍSU og er þátttökugjald kr. 45.000 kr
Vinsamlegast sendið auglýsinguna áfram til annarra sem kynnu að hafa áhuga!

Glæsileg heimsókn til Veðurstofunnar

Glæsilegar móttökur í vinnustaðheimsókn til Veðurstofu Íslands 
Mjög vel undirbúin og ítarleg kynning á gögnum Veðurstofu Íslands var haldin fyrir LÍSU félaga, 5. mars sl.  Ragnar Heiðar Þrastarson, Esther Hlíðar Jensen, Bogi B. Björnsson og Tryggvi Hjörvar fluttu erindi hvert á sínu sviði. Gestir fengu gott yfirlit um gagnavinnslu um jarðskjálfta, ofanflóð, vatnafar og jökla. Einnig var kynnt svonefnt gagnauga, sem  er gátt með upplýsingum frá athugunarstöðvum. Samantekt frá kynningunni og gögnum verður send til félaga fljótlega.

Gögn eru nýja gullið

Styrkir frá umhverfisráðuneytinu
Undanfarin ár hafa LÍSU samtökin fengið styrki til sérverkefna frá umhverfisráðuneytinu. Að þessu sinni fengu samtökin rekstrarstyrk að upphæð 300 þúsund krónur, styrk fyrir erlent samstarf 250 þúsund krónur, 320 þúsund krónur fyrir áframhaldandi vinnu við Upplýsingagátt og aðgengi að fræðsluefni um landupplýsingar. Samtökin fengu 500 þúsund króna styrk til þess að kynna aðgerðir og skipulag á sviði landupplýsinga á Norðurlöndum.  Heildstæð stefnumörkun, framtíðarsýn og aðgerðaáætlun um þennan málaflokk, liggur fyrir hjá öllum Norðurlöndunum nema Íslandi. Ætlunin að kynna norrænar áherslur og reynslu af því að aðgengi að góðum gögnum er gulls ígildi.

LÍSUFRÉTTIR janúar 2020

Aðalfundur LÍSU fimmtudaginn 27.febrúar 2020
Aðalfundur LÍSU verður haldinn 27. febrúar hjá Verkís,

Ofanleiti 2, Reykjavík, klukkan 13:15-15:30.
Fulltrúar og viðbótarfulltrúar eru kjörgengir í stjórn samtakanna og eru þeir sem áhuga hafa á stjórnarsetu beðnir um að hafa samband við skrifstofu LÍSU. Félagsmenn LÍSU fá fundarboð sent fyrir aðalfundinn.

Vinnustaðaheimsókn til Veðurstofu Íslands 5. mars
Þann 5. mars næstkomandi mun starfsfólk Veðurstofu Íslands taka á móti LÍSU-félögum að Bústaðavegi klukkan 15:00-16:00. Farið verður yfir fjölbreytt verkefni stofunnar og hvernig landupplýsingar og framsetning gagna á kortum spila sífellt stærra hlutverk í starfseminni. Boðið verður upp á kaffi og með og tekið verður á móti félagsmönnum að Bústaðavegi 7 (gamla Landsnets-húsið). Hlökkum til að sjá sem flesta!

Námskeið og vinnustofur
Viltu fara á námskeið til að bæta vinnubrögð og læra nýja tækni og aðferðir í gagnavinnslu og birting landupplýsinga?

Við erum að núna að taka á móti óskum um námskeið meðal annars í QGIS og um sjálfvirkna vinnslu gagna. Látið okkur vita um áhugaverð viðfangsefni sem ykkur langar að læra meira um og við setjum saman námskeið sniðin að ykkar þörfum.

 

LÍSUFRÉTTIR október 2019


Dagskrá haustráðstefnu LÍSU 2019
Okkur er ánægja að kynna fjölbreytta dagskrá haustráðstefnunnar, sem endurspeglar þá nýju tíma, þar sem landupplýsingar eru lykilgögn tækni í sjálfvirkni og vöktunar umhverfis
Dagskrá haustráðstefnu LÍSU
Nánar upplýsingar um erindin
Skráning ráðstefnugesta

Samráðsfundur LÍSU félaga
Haldinn mánudaginn 14. október hjá Vegagerðinni, Borgartúni 5-7, kl. 10-12.
Fjarfundabúnaður á staðnum
Samráðsfundur LÍSU félaga

Mælinganámskeið 13. nóvember
Grunnatriði fyrir vandaðar og  nákvæmar landmælingar,
vélstýringu og afhendingu gagna
Námskeið ætlað þeim sem vinna við eða hafa umsjón með
GPS/GNSS landmælingum
Haldið miðvikudaginn 13. nóvember 2019, kl. 9:00-16:30 í  Háskóla Íslands

Viltu taka þátt í starfi LÍSU?

Starf LÍSU snýst um að auka aðgengi að og samnýtingu landupplýsinga, en landupplýsingar eru upplýsingar tengdar staðsetningu. Það eru meðal annars grunngögn um mannvirki og náttúru. Nauðsynegt er að til séu nákvæm gögn fyrir vöktun, landmælingar, rannsóknir og framkvæmdir í umhverfi okkar. Þá er aukin sjálvirkni orðin hluti af daglegu lífi okkar og fyrir aukna notkun skynjara og sjálfvirkni þarf nákvæm landfræðileg gögn. Landupplýsingar verða til all staðar í samfélaginu og þess vegna þarf heildstæða sýn og aðkomu margra ábyrgðaaðila að málaflokknum. 
LÍSU samtökin eru einu frjálsu félagasamtökin á Íslandi sem hafa það að markmiði að efla samstarf aðila með landupplýsingar og stuðla að aukinni útbreiðslu, notkun og samnýtingu gagna. Mikilvægur þáttur í samstarfinu er að miðla af reynslu og skýra verkferla fyrir samskipti með gögn. Þetta er brýnt viðfangsefni því ónákvæm gögn og óljósir verkferlar fela í sér meiri tíma í vinnu en annars þyrfti og oft erfitt mat á fyrirliggjandi gögnum. Athuganir erlendis sýna t.d. að með góðum og nákvæmum grunngögnum er hægt að lækka byggingakostnað verulega.

Með þátttöku í starfi LÍSU ertu að efla frjálsan vettvang notenda landupplýsinga og stuðla að framgangi landupplýsinga á Íslandi í allra þágu.

Nánari  upplýsingar  um LÍSU

Haustráðstefna LÍSU 2019 Hótel Natura

Haustráðstefna LÍSU verður haldin fimmtudaginn 31. október á Hótel Natura, Reykjavík. Takið daginn frá!
Ráðstefnan verður allan daginn. Við horfum vítt yfir sjónarsviðið á ólík viðfangsefni eins og aðgengi að gögnum, skipulag, gervigreind, sjálfvirkni, dróna og snjallsamfélagið.
Þegar eru komin inn áhugaverð erindi, meðal annars  frá nýjum félögum í samtökunum.
Við erum enn að taka við tillögum um erindi sem þið viljið koma á framfæri og kynna fyrir notendum.
Nánari upplýsingar um dagskrá og skráningu verða birtar fljótlega.
Sendið inn tillögur um erindi á netfangið: lisa@landupplysingar.is

QGIS námskeið 12. september

Grunnnámskeið í QGIS, 12. september 2019

 

Námskeiðið er ætlað þeim sem ekki hafa neina reynslu af notkun landupplýsingabúnaðar en vilja öðlast grunnþekkingu á hvernig unnið er með landupplýsingar í QGIS

Á námskeiðinu verður farið er yfir helstu grunnaðgerðir og hugtök, auk þess sem þátttakendur fá góða innsýn í hvernig hægt er að nota landupplýsingar og landupplýsingakerfi til þess að leysa ýmis konar verkefni. Að námskeiði loknu ætti nemandi að vera orðin sæmilega sjálfbjarga hvað varðar helstu grunnaðgerðir og þætti  í QGIS og geta unnið einföld verkefni.

Dæmi um þá þekkingu og færni sem nemandi tileinkar sér:

  • Hnitakerfi / Varpanir
  • Mismunandi gerðir landupplýsinga
  • Að geta lesið inn og dregið út gögn
  • Teiknað inn og skráð landupplýsingar
  • Hannað og aðlagað útlit og framsetningu gagna
  • Prenta út

Leiðbeinandi  Árni Geirsson hjá ráðgjafafyrirtækinu Alta. Árni hefur
töluverða reynslu af ráðgjöf og innleiðinu á QGIS á vinnustöðum.

Skráning: lisa@landupplysingar.is
Fjöldi þátttakenda 10 hámark. Þeir sem hafa áhuga á að sækja námskeiðið vinsamlegast beðnir um að tilkynna um þátttöku eins fljótt og unnt er.

Nauðsynlegt er að þátttakendur taki með sér fartölvur á námskeiðið fyrir verklega kennslu. Nánari leiðbeiningar verða sendar út fyrir námskeiðið.

Innifalið: kaffi og meðlæti og hádegismatur, viðurkenningarskjal fyrir þátttöku og námskeiðsgögn.

Námskeiðið er haldið fyrir þá sem taka þátt í samstarfi LÍSU og er þátttökugjald kr. 55.000 kr

Vinsamlegast sendið auglýsinguna áfram til annarra sem kynnu að hafa áhuga!