GI Norden – regnhlífasamtök landupplýsinga á Norðurlöndum halda vefnámskeið um GIS og þjóðaröryggi þann 9. júní næstkomandi. Aðilar frá Danmörku, Noregi og Svíþjóð munu halda erindi.

Kortlagningarstefna í neyðarástandi: Jonny Halvarsson frá sveitarfélaginu Luleå kynnir hvernig þau hafa síðan 2017 unnið samkvæmt langtímastefnu í GIS-þróun. Meginmarkmið er notkun kortlagningar í neyðarástandi til að vernda líf og eignir. Luleå og Boden reka saman svokallað „geocell“ sem virkjað var sumarið 2025 þegar stór skógarbruni geisaði nær Lilleselet í Jokkmokk.

Staðsetning í óvissum heimi: Randi Fagerholt frá SINTEF kynnir HyPos-verkefnið, sem hóf göngu sína 2022, og fjallar um hvernig hægt er að sameina GNSS-nákvæmni og 5G-staðsetningu í eina þjónustu. Í ljósi pólitískrar óvissu hefur áherslan færst yfir í að gera þessar þjónustur seigari og áreiðanlegri frekar en nákvæmari. Helstu áhyggjuefni eru truflun á merki (jamming/spoofing) og of mikið traust á stafræn kerfi.

Hvar er næsta skjól: Adela Sobotkova og Rosanna Farbøl frá Háskólanum í Árhúsum fjalla um neyðarskýli og almannavarnir í Danmörku. Síðan 2022 hefur þörfin fyrir slíkar varnir komið aftur í umræðuna en Danmörk skortir enn opinbert kort yfir neyðarskýli, ólíkt nágrannalöndunum. MELICA-verkefnið hefur kortlagt mannvirki frá kalda stríðinu í Árhúsum og þróað smáforritið „Find Your Shelter“ til að gera þær aðgengilegar almenningi.